Боррель: Россияга қарши санкциялардан бошқа давлатлар зарар кўрса, уни қоплаб берамиз
Дипломат ЕИнинг Москвага қарши жорий этган чекловлари ҳақида гапирди.
Евроиттифоқнинг Россияга қарши санкциялари учинчи давлатларга қарши қаратилмаган. Бу ҳақда Европа дипломатияси раҳбари Жозеп Боррель маълум қилди.
“Улар учинчи давлатлар иқтисодиётига қарши қаратилмаган. Агар қандайдир зарар етказилган бўлса, уни қоплаб берамиз”, – деган дипломат Қозоғистонда ўтказилган брифингда.
Бундан ташқари, Боррель ЕИ санкциялари бошқа мамлакатларга Россия озиқ-овқат маҳсулотларининг экспортига қарши қаратилмаганини ҳам таъкидлаган. Унинг сўзларига кўра, чекловлар қишлоқ хўжалиги ёки ўғитларга тааллуқли эмас.
