АҚШ ва Шимолий Корея ўртасида таҳдидлар давом этмоқда
Пхенян масаласида Камала Харис 5 давлат билан шошилинч музокара ўтказмоқчи.
АҚШ вице-президенти Камала Харрис Япония, Жанубий Корея, Австралия, Янги Зеландия ва Канада раҳбарлари билан шошилинч музокаралар ўтказади. Мавзу КХДР томонидан қитъалараро баллистик ракета учирилиши ҳақида.
Қайд этилишича, “бешлик” етакчилари билан учрашув Бангкокда бошланган Осиё-Тинч океани саммити доирасида бўлиб ўтади.
Эслатиб ўтамиз, 18 ноябрь куни Шимолий Корея қитъалараро баллистик ракетани учирди. Маълумотларга кўра, бу бир нечта жанговар каллакларни олиб юра оладиган ва 15 000 километргача масофага уча оладиган йирик “Хвасон-17” ракетаси эди. Бу АҚШ материгидаги исталган нуқтани уриш учун етарли.
Учириш Шимолий Корея ташқи ишлар вазири Чой Сонг Хи агар АҚШ Сеул билан алоқаларни мустаҳкамлашда давом этса, Пхенян “қаттиқроқ” чоралар кўриши ҳақида огоҳлантирганидан 24 соат ўтиб амалга оширилган.
