Bloomberg: Буюк Британия дунёдаги мавқеини йўқотмоқда
Халқаро муносабатлар маркази Осиёга кўчаётгани қайд этилган.
Буюк Британия иқтисодий муаммолар туфайли глобал миқёсида ўз позицияларини бой бермоқда. Бу ҳақда таҳлилчи Алан Кроуфорднинг Bloomberg агентлигида эълон қилган мақоласида сўз боради.
Унинг фикрича, янги Бош вазир Риши Сунак тез орада солиқларни ошириш ва бир вақтнинг ўзида харажатларни қисқартириш муаммосига дуч келади.
“Шу ҳафтада бўлиб ўтган саммит (“Катта йигирматалик” саммити — таҳририят) сабоқларидан бири шундаки, янги куч марказлари шаклланганини эътироф этиш керак. Янги реалликка кўра, дунё кўп қутбли ва у Бирлашган Қироллик ўз молиявий муаммоларини ҳал қилишини ёки шаклланмаган сиёсати шаклланишини кутиб турмайди”, – деган Кроуфорд.
Муаллиф дунё дипломатияси эътибори Осиёга қаратилганини қайд этган.
Лондонда жойлашган иқтисодий ва бизнес тадқиқотлари маркази таҳлилларига кўра, Буюк Британия 1950 йиллардан буён кузатилмаган турмуш даражасининг кескин пасайиши билан тўқнашиши мумкин.
Аввалроқ Буюк Британияда солиқларнинг кенг миқёсда оширилиши эълон қилинганди.
