МАГАТЭ Россияни Запорожье АЭСни тарк этишга чақирди
Бу бўйича махсус резолюция қабул қилинган.
Халқаро атом энергетикаси агентлиги (МАГАТЭ) Россияни Запорожье АЭСни тарк этишга чақирди. Бу ҳақда ташкилотнинг Украинадаги вазият бўйича қабул қилган резолюциясида сўз боради.
“Бошқарувчилар кенгаши афсусда эканини билдиради ва РФнинг Украинага тегишли Запорожье АЭСни эгаллашга қаратилган ҳаракатларини тан олмайди. Кенгаш Россия Федерациясини ушбу станцияга эгалик бўйича асоссиз даъволардан воз кечишга чақиради”, – дейилади ҳужжатда.
Россиянинг Венадаги доимий ваколатхонаси маълумотларига кўра, РФдан ташқари Хитой ҳам ушбу резолюцияга қарши овоз берган. Ҳиндистон, Покистон, Саудия Арабистони, Вьетнам, ЖАР, Кения ва Намибия овоз бермаган.
Запорожье АЭС Европадаги энг йирик атом станцияси ҳисобланади. у 5 октябрда Россия юрисдикциясига ўтгани эълон қилинганди.
