Россияда ўқ-дорилар тугаб бормоқда, Украинада ҳам улар кўп эмас

 

"The Economist" Украина армияси Херсон озод қилингандан кейин қандай ҳаракат қилиши мумкинлиги ҳақида мақолани чоп этди.

 

Ундаги энг муҳим фактлар қуйидагилар:

 

• Украина кейинги ҳужум учун учта йўналишга эга. Рус қўшинларининг Херсон атрофидаги позицияси энди Украина армиясига халақит беради. Бундан ташқари, шимоли-шарқда рус ҳарбийларининг руҳий ҳолати пастлигидан фойдаланиб, бу ҳудудда ҳужумни ривожлантириш мумкин. Ва ниҳоят, Запорожедан Азов денгизи томон ҳужумни бошлаш мумкин, аммо бу ҳам жуда катта вазифадир. Россия қўмондонлиги узоқ вақтдан бери ушбу йўналишда Украина ҳужумини кутмоқда ва кўп қатламли мудофаа чизиқларини қурмоқда. Бу истеҳкомлар “статик ва эскича, лекин улар ўз мақсадига хизмат қилади”.
   
• Ғарб манбалари Россиянинг нафақат юқори аниқликдаги ракеталари, балки артиллерия снарядлари ҳам тугаб бораётганини қайд этмоқда. Уларнинг фикрича, бу рус қўшинларининг Херсондан чекинишининг асосий сабабларидан бири.
   
• Аммо Украина учун ёмон янгилик шундаки, Киевда ҳам ортиқча ўқ-дорилар йўқ. Бу, айниқса, ҳаво мудофааси тизимида сезилмоқда.
   
• Шу сабабли, айрим экспертлар Украина учун ҳеч бўлмаганда қишки ҳужум тугади, деб ҳисоблашади. Бошқаларнинг таъкидлашича, украиналиклар сезиларли сон устунлигини сақлаб қолишган - улар 100 мингдан кам россияликларга қарши 200-300 минг жанговар тайёр қўшинга эга. Украиналикларнинг руҳияти юқори, бу қиш вақтининг қийинчиликларини енгишга ёрдам беради.
   
• Украина армияси етарли таъминот билан мамлакат ҳудудини озод қилишни давом эттиришга қодир, бироқ кейинги муваффақиятлар кўпроқ вайронагарчиликлар келтириб чиқаради.
• Шу билан бирга, ҳужум қилганда ҳимояланишдан кўра кўпроқ ўқ-дорилар сарфланади. Украина АҚШда бир ойлик ишлаб чиқарилган ГМЛРС - ҲИМАРС ракеталарининг асосий қисмини аллақачон ишлатмоқда.
   
• Ҳозир АҚШ ва Европа давлатлари ўқ-дорилар ишлаб чиқаришни кўпайтирмоқда, бироқ Украина келаси ёзгача бунинг самарасини сеза олмайди.