Андижондаги кўп қаватли уйда ёнғин чиқди
Воқеа жойига вилоят ҳокими ҳам етиб борган.
Бугун, 20 ноябрь куни Андижон шаҳридаги кўп қаватли уйлардан бирида ёнғин содир бўлди. Ҳолат юзасидан вилоят Фавқулодда вазиятлар бошқармаси маълумот берди.
Қайд этилишича, соат 21:09 да Андижон шаҳар “Ўрикзор” МФЙ 3-кичик даҳасида жойлашган кўп қаватли уйларнинг бирида ёнғин содир бўлаётганлиги тўғрисида вилоят ФВБга хабар келиб тушган.
Шунга кўра 12 та ёнғин-қутқарув экипажи ва 3 та автонарвон соат 21:18 да воқеа жойига етиб бориб, ёнғин соат 21:40 да қуршаб олинган ва соат 22:25 да бартараф этилган.
Ёнғин натижасида кўп қаватли уйнинг тахминан 400 квадрат метр майдонда том қисми ёниб зарарланган. Ҳодиса оқибатида тан жароҳати олган ва ҳалок бўлганлар йўқ.
Ҳозирда ёнғиннинг келиб чиқиш сабаби ва моддий зарар миқдори аниқланмоқда. Вилоят ҳокими мазкур кўп қаватли турар жойда истоқомат қилувчи фуқаролар билан учрашиб, вазият тўлиқ назоратга олиниб бартараф етилгани ҳамда юзага келган ҳолат бўйича тезкор чора-тадбирлар кўрилиши, фуқароларга барча зарурий кўмак кўрсатилишини таъкидлаган.
