Жо Байденнинг набираси турмушга чиқди
Тўй Оқ уйда бўлиб ўтган.
АҚШ президенти Жо Байденнинг набираси Наоми Оқ уйда турмушга чиқди.
Тадбир матбуот учун ёпиқ тарзда ўтказилди. Тўй Оқ уйнинг жанубий майсазорида бўлиб ўтди ва унда 250 га яқин меҳмон қатнашди. 28 ёшли Наоми Байденнинг турмуш ўртоғи 25 ёшли Питер Нил бўлиб, у ҳозирда Жоржтаун университети Миллий хавфсизлик бўйича ҳуқуқ марказида ишлайди.
Маросим Оқ уйда бўлиб ўтган 19-тўй бўлди, бироқ узоқ тўққиз йиллик танаффусдан кейин биринчиси.
Наоми президент Жо Байденнинг етти неварасининг энг каттаси, Хантер Байден ва унинг собиқ рафиқаси Кетлин Боулетнинг қизи. У Колумбия юридик университетини тамомлаган.
Президент оиласининг аъзолари сифатида Наоми ва Питер Оқ уйда истиқомат қилишади.
Эслатиб ўтамиз, ўтган ҳафтада АҚШнинг собиқ президенти Доналд Трамп ва актриса Марла Мейплснинг кенжа қизи, 29 ёшли Тиффани Трамп турмушга чиққан эди. Куёв 25 ёшли нигериялик миллиардер Майкл Булос.
