НАТО Россия билан зиддиятга интилмаяпти
Алянс Украинадаги можарога аралшмайди.
Пентагон раҳбари Ллойд Остиннинг таъкидлашича, НАТО Россия билан зиддиятга интилмаяпти ва Украинадаги можарога аралашмайди.
“Хонимлар ва жаноблар, НАТО мудофаа иттифоқидир ва Россия билан қарама-қаршиликка интилмайди. Бу Россияга таҳдид солмайди. Хато қилманг, биз Путин танлаган урушга қўшилмаймиз”, - деди Остин.
У Украинадаги можарони Америка совуқ уруш тугаганидан бери дуч келган энг катта хавфсизлик инқирози деб атади.
Аввалроқ Россия Украинага қурол етказиб берилгани учун НАТО давлатларига нота юборган эди. Россия ташқи ишлар вазири Сергей Лавров Украина учун қурол бўлган ҳар қандай юк Россия учун қонуний нишонга айланишини қайд этган. Дмитрий Песков Украинага Ғарбдан қурол-яроғ етказиб бериш Россия-Украина музокараларининг муваффақиятига ҳисса қўшмаслиги ва салбий таъсир кўрсатишини таъкидлади.
