Дональд Трамп Twitter’га қайтмайди
Ўтган ҳафтада Илон Маск собиқ президентнинг аккаунтини блокдан чиқарганди.
Дональд Трамп Twitter ижтимоий тармоғига қайтмаслигини маълум қилди. Ўтган ҳафтада компаниянинг янги раҳбари Илон Маск собиқ президентнинг аккаунтини блокдан чиқарганди.
“Мен бунинг учун ҳеч қандай сабаб кўрмаяпман, Twitter’да кўп муаммо бор, нима бўлаётганини кўриб турибсиз”, – деган жаноб Трамп.
Шу билан бирга у Маскни кўплаб аккаунтларга қўйилган тақиқларни бекор қилгани учун мақтаган. Сиёсатчи ўзининг Truth Social ижтимоий тармоғида қолишини айтган.
Ўтган ҳафтада Илон Маск Трамп аккаунтини блокдан чиқариш бўйича сўровнома ўтказди. Қайта тикланган саҳифа бир неча кун ичида 25 миллион обуначига кўпайган.
