Грузия Саакашвилининг заҳарланиши ҳақидаги маълумотни рад этмоқда
Собиқ Президентнинг онаси уни озод қилишни талаб қиляпти.
Грузия Адлия вазирлигининг Жазони ижро этиш махсус хизмати ҳибсдаги собиқ Президент, Украина фуқароси Михаил Саакашвилининг заҳарланиши эҳтимоли ҳақидаги маълумотни рад этди.
"Маҳбус Саакашвили бир неча ойдан бери касалхонада доимий шифокорлар назоратида ва унга керакли тиббий ёрдам кўрсатилмоқда. Биз барчани текширилмаган, тасдиқланмаган маълумотларни тарқатмасликка чақирамиз", - дея таъкидлади департамент.
Бир кун аввал Саакашвилининг онаси Гиули Аласания журналистларга ўғлининг танасида оғир металлар: симоб, борлигини ва у белида кўпайганини айтди. У Саакашвилини зудлик билан озод қилишни талаб қилди.
Сиёсатчининг адвокати Шалва Хачапуридзега кўра, шифокорлар Саакашвилига 30 дан ортиқ касаллик ташхисини қўйган. Уларнинг хулосаси "яқин кунларда оммага эълон қилинади".
Эслатиб ўтамиз, Саакашвили ўтган йилнинг 29-сентябр куни Грузияга яширинча келган ва 1-октябр куни Тбилисида ҳибсга олинган, шундан сўнг у Рустави шаҳридаги қамоқхонага жойлаштирилган ва у ерда очлик эълон қилган эди. 8-ноябр куни у Рустави шаҳридаги қамоқхонадан Тбилисидаги қамоқхона касалхонасига, сўнгра Гори шаҳридаги ҳарбий госпиталга ўтказилган ва у ерда очлик эълон қилган.
