Паркентда қизлар йигит талашиб муштлашгани айтилди
Ҳолатга вилоят ИИБ изоҳ берди
Ижтимоий тармоқларда Тошкент вилоятининг Паркент туманида қизлар жанжаллашгани акс этган видео тарқалди. Ҳолат юзасидан вилоят ИИБ расмий муносабат билдирди.
Маълум бўлишича, видеодаги воқеа 2022 йилнинг июн ойида, Паркент тумани 43-мактабнинг 2 нафар, 2003 ва 2004 йилда туғилган битирувчи (ўқувчи) қизлари ўртасида келиб чиққан. Шу кунга қадар улар ёки яқинлари томонидан Ички ишлар органларига мазкур воқеа билан боғлиқ мурожаат ёки ариза келиб тушмаган.
Воқеа жанжални томоша қилган йигит (2002 йилда туғилган С.З.) томонидан тасвирга олинган ва бугунги кунга келиб интернет тармоқларида тарқатилган.
Ўрганиш давомида ушбу шахсларнинг хатти-ҳаракатида Ўзбекистон Республикаси МЖтКнинг 183-моддасида кўрсатилган ҳуқуқбузарлик аломатлари бўлганлиги сабабли, маъмурий баённома расмийлаштирилиб, тўпланган ҳужжатлар қонуний чора кўриш учун ЖИБ Паркент тумани судига юборилган.
