Жонсон: французлар уруш бўлишини кутмаганди, немислар эса...
Буюк Британия собиқ бош вазири Украина можароси бошланишида Ғарб давлатларида турли позициялар бўлганини маълум қилди.
Буюк Британия собиқ бош вазири Борис Жонсон февралда Украинага нисбатан Ғарб давлатларида шаклланган кайфият ҳақида гапирди.
"Бу жуда катта шок эди... Биз Россия тактик-батальон гуруҳларининг қайта шаклланаётганини кузатаётгандик, аммо турли давлатлар бунга турлича муносабатда бўлди", — деган у CNN Portugal'га берган интервьюсида.
Сиёсатчининг сўзларига кўра, Германия қайсидир пайтда Украинанинг таслим бўлишини истаган. Франция эса охиригача уруш бошланмаслигига ишониб келган. Бундан ташқари, Британия ҳукуматининг собиқ раҳбари Италия собиқ бош вазири Марио Драгини танқид қилди.
"Улар бир муддат Россия углеводородларига қарамлиги учун бошқа давлатлар позициясини қўллаб-қувватлай олмаслигини айтганди", — деб қайд этган Жонсон.
Шунингдек, у Россия президентининг Украинадаги умидлари оқланмаганини таъкидлаган.
