Самарқанддаги тунги клуб ёнида катта жанжал чиқди
Ҳолат бўйича вилоят ИИБ маълумот берди.
Самарқанд вилоятининг Ургут туманида бир гуруҳ шахслар тунги клуб ёнида жаннжал чиқарди. Ҳолат юзасидан вилоят ИИБ маълумот берди.
Воқеа 24 сентябрь куни Ургут тумани Бахрин МФЙда жойлашган тунги клуб олдида юз берган. Унда бир гуруҳ шахслар ўртасида келишмовчилик юзага келиб, жанжалга айланган. Ҳолат юзасидан туман ИИБ навбатчилик қисмига келиб тушган хабарга асосан ИИБ ходимлари ҳодиса жойига етиб бориб, жанжалнинг олди олиниб, тегишли тартибда расмийлаштирилган.
Жанжал бўйича терговга қадар текширув ҳаракатлари олиб борилиб, ҳозирда тўпланган ҳужжатлар қарор қабул қилиш учун тергов органларига топширилган.
Ҳозирда жанжал қилганларга нисбатан Ургут тумани ИИБ ҳузуридаги Тергов бўлими томонидан Жиноят кодексининг 277-моддаси 2-қисми билан жиноят иши қўзғатилиб, тергов ҳаракатлари олиб боришга киришилган.
