Хитойда iPhone ишлаб чиқариладиган завод ишчилари намойиш ўтказмоқда
Бунга коронавирус чекловлари сабаб бўлиши мумкин.
Хитойнинг Чжэечжоу шаҳридаги Foxconn заводи ишчилари йирик норозилик намойишларини бошлади. Бу завод iPhone ишлаб чиқариладиган дунёдаги энг йирик корхона ҳисобланади.
Reuters агентлиги Twitter ва Хитойнинг Weibo микроблоги орқали тарқалган видеоларга таяниб шундай хабар берган. Видеода бир гуруҳ ишчиларни кўриш мумкин, шу билан бирга уларнинг аниқ сони маълум эмас.
Улар кузатув камералари ва Foxconn кампуслари деразаларини синдирган. Воқеа жойига полиция кучлари етиб келган. Хитой расмийлари ҳозирча ҳолат юзасидан ҳеч қандай изоҳ бермади.
Ноябрь бошида Apple Foxconn коронавирус чекловлари туфайли анча суст ишлаётганини маълум қилганди. Завод жойлашган Чжэнчжоу шаҳрида сентябрь ўрталарида карантин чекловларини жорий этганди. Foxconn ичида эса санитар чоралари кучайтирилган. Натижада айрим ходимлар иш жойини ташлаб кетган.
