Хитой АҚШ учун таҳдидми ёки...
Пентагон раҳбари бунга ойдинлик киритди.
АҚШ ҳукумати Хитойни таҳдид эмас, чақириқ деб баҳолайди. Бу ҳақда Пентагон раҳбари Ллойд Остин журналистлар билан суҳбатда маълум қилди.
“Хитой биз учун асосий чақириқ. Биз уни таҳдид деб эмас, чақириқ деб атаймиз. Бу бизнинг ўртамиздаги бор муносабат”, – деган мудофаа вазири.
Журналистлардан бири Остинга Хитой Тайванни қўшиб олган тақдирда Вашингтон ва унинг Тинч-Ҳинд океанидаги иттифоқчилари ҳаракати қандай бўлишини сўраган. Вазир давлатлар нафақат Қўшма Штатлар билан иттифоқчилик доирасида, балки қоидаларга асосланган дунё тартиботини сақлаб қолиш учун жавоб қадамларни амалга оширишини айтган.
Шунингдек, Остин Россиянинг Украинадаги ҳаракатларига халқаро реакция Хитойнинг эътиборини тортганини ҳамда Пекин воқеаларнинг бу каби сценарийда ривожланишидан қочишини таъкидлаган. Вазир ХХР изоляцияга тушиб қолишни истамаслигини қайд этган.
