АҚШ: денгизда 5 кун қолиб кетган 18 киши қутқарилди
Бортдаги йўловчилар орасида икки нафар — 2 ёшли қиз ва 4 ёшли бола ҳам бўлган.
Сан-Диегодан 16 миля жануби-ғарбда, АҚШ-Мексика чегараси яқинида халқаро сув ҳавзасида топилган ҳалокатга учраган моторли қайиқдан 18 киши қутқариб олинди. Бу ҳақда CBS News телеканали хабар берди.
АҚШ қирғоқ хавфсизлиги хизмати маълумотларига кўра, бортдаги йўловчилар орасида икки нафар — 2 ёшли қиз ва 4 ёшли бола ҳам бўлган.
Омон қолганларнинг айтишича, уларда овқат ва сув бўлмаган. Улар қутқарилгунга қадар беш кун давомида бир жойда сузиб юрган.
Соҳил хавфсизлик хизмати чоршанба куни тушдан кейин бошқа кемадан бортида одамлар бўлган шикастланган қайиқ ҳақида хабар олди.
Воқеа жойига етиб келган вертолёт экипажи етти кишини, жумладан, икки болани Калифорниянинг Сан-Диего шаҳрига олиб кетган.
Қолган 11 йўловчини Мексика ҳарбий-денгиз кучлари кемаси қутқариб қолган.
