Россия ЮНЕСКО раислигидан маҳрум бўлди
Бу Украина саъй-ҳаракатлари натижасида содир бўлди.
Россия бундан буён Бирлашган Миллатлар Ташкилотининг Таълим, фан ва маданият масалалари қўмитасига (ЮНЕСКО)раислик қилмайди, лекин аъзолигича қолади.
Бу узоқ давом этган жараён бўлиб, унинг ортида украиналик дипломатлар, Украина Маданият ва ахборот сиёсати вазирлигининг машаққатли меҳнати турибти, дейилади Korrespondent.net хабарида.
ЮНЕСКО Бутунжаҳон мероси қўмитасининг навбатдаги 45-сессияси 2022-йил ёзида Қозон шаҳрида бўлиб ўтиши керак эди. Аммо Украина ташкилотга аъзо давлатлардаги кўплаб ҳамкорлари билан биргаликда сессияни ушбу давлат ҳудудида ўтказишга йўл қўймаслик масаласини кўтарди. Киев, шунингдек, РФ қўмита раислигидан маҳрум қилиш зарурлигини фаол равишда таъкидлаб келган.
Украина президентининг ЮНЕСКО Ижроия кенгаши аъзолари олдидаги илк чиқишида Владимир Зеленский бу бўйича аниқ позицияни билдирганди.
