АҚШда товуқларга қирон келди
Бу мамлакатда Шукрона куни таомлари нархи ошишига сабаб бўлган.
«Америка Овози» хабар қилишича, парранда гриппи эпидемияси тухум ва курка гўшти нархининг ошишига олиб келди.
АҚШ қишлоқ хўжалиги маълумотлари парранда гриппи жорий йилда АҚШда 50,54 миллион қушни нобуд қилгани ва бу мамлакат тарихидаги энг ҳалокатли эпидемияга айланганини кўрсатди. Товуқлар, куркалар ва бошқа қушларнинг нобуд бўлиши ҳозирги кунга қадар паррандалар саломатлиги учун энг ёмон офат бўлиб, эпидемия 2015 йилда 50,5 миллион қуш нобуд бўлган олдинги рекордни янгилади.
Инфекция кўпинча паррандаларнинг ўлимига олиб келади. Паррандачилик фермалари касаллик тарқалишини олдини олиш учун миллионлаб паррандаларни битта парранданинг ижобий синовидан сўнг ўлдиради.
Паррандачиликнинг йўқолиши тухум ва курка гўшти нархининг рекорд даражада ошишига олиб келди, бу юқори инфляцияга дуч келган истеъмолчиларнинг иқтисодий муаммоларини кучайтирди ва АҚШда Шукрона куни таомлари нархини оширди.
