“Кемадан ташқарида” фильми реал ҳаётга кўчди
22 соат очиқ океанда қолиб кетган одам қутқарилди
Американинг бир штатидан бошқасига круиз саёҳатига отланган эркакнинг тирик қолгани “Шукроналик куни мўжизаси” деб аталмоқда.
Гап шундаки, лайнер йўловчиларидан бири номаълум сабабга кўра бортдан тушиб қолган.
Воқеа тунги 23:00 лар атрофида юз берган.
Аввалига кемадан одам йўқолганини ҳеч ким пайқамаган. Яхшиямки, воқеа қаҳрамони ташқарига чиқишдан олдин опасини огоҳлантирган. Аммо опа ҳам укаси ўз палубасида дам олмоқда, деб ўйлаб, унинг тақдири билан қизиқмаган.
Фақатгина эртаси куни 14:30ларда укасини ҳеч қаердан топа олмаётганини хабар қилган.
Бу вақт орасида кема ҳаракатдан тўхтамагани қидирув ишларини мураккаблаштирди. Аммо сув ҳарорати +21 даража экани қутқарувчиларга умид бераётган эди.
Орадан 22 соат ўтгачгина лайнердан йиқилган одам Луизиана соҳилларидан 30 км масофада топилди.
У вертолетда шифохонага олиб кетилган, шифокорларнинг айтишича, унинг ҳаёти хавф остида эмас. Ҳозиргача у тилган кириб, лайнердан нима сабабдан йиқилганини айтмаган.
Сизнингча, йўловчи нима сабабдан кемадан тушиб қолган?
