АҚШ Россия билан стратегик барқарорлик бўйича музокараларни қайта тикламоқчи
Мамлакатнинг Москвадаги ишончли вакили бу бўйича Вашингтоннинг позициясини очиқлади.
АҚШ Россия билан стратегик барқарорлик бўйича музокараларни тиклаш имкониятини ўрганмоқда. Бу ҳақда Қўшма Штатларнинг РФдаги вақтинчалик ишончли вакили Элизабет Руд маълум қилди.
Дипломат тез орада икки томонлама маслаҳат комиссияларининг учрашуви бўлишини эслатган. Унда Стратегик ҳужум қуролларини қисқартириш ва чеклаш тўғрисидаги келишувнинг амалга оширилиши муҳокама қилинади.
“Президент Байден шартнома2026 йилда муддати якунлангандан кейин ҳам қуроллар устидан назорат тизимини сақлаб қолиш бўйича музокараларга қарши эмаслигини аниқ айтди. Биз бу мақсадга содиқ қоламиз”, – деган Руд.
Шу билан бирга у стратегик мулоқотни қайта тиклаш имкониятлари ўрганилаётганини айтган.
