Украина туфайли Тайвань қуролсиз қолди
АҚШ оролга 18 миллиардлик қурол-яроғ етказиб беришда кечикмоқда.
АҚШ расмийлари асосий эътибор Украинага берилгани туфайли Тайванни етарли даражада қурол билан таъминлай олмаслигидан хавотирга тушган. Бу ҳақда The Wall Street Journal хабар берди.
Газета маълумотларига кўра, Вашингтон Тайбэйга 18.7 миллиард долларлик қурол етказиб бермаган. Хусусан, оролга 215 та Stinger зенит тизимларидан бирортаси берилмаган, шунингдек, 208 та танкка қарши Javelin тизимлари ҳам тақдим этилмаган.
АҚШнинг бу йилги қарзи 5 миллиард доллардан ошган. Шу билан бирга на Давлат департаменти, на Пентагон Тайванга қурол етказиб бериш бўйича муаммо борлигини тасдиқламаган.
Америка Украинанинг асосий ҳарбий донорига айланди. Пентагон маълумотларига кўра, Киевга ҳозирга қадар 20 миллиард долларлик ҳарбий ёрдам берилган.
