Еврокомиссия Россияга қарши навбатдаги санкциялар пакети устида ишламоқда
Тўққизинчи пакет нималарни ўз ичига олади ?
Еврокомиссия шу ҳафтада аъзо давлатлар билан Россияга қарши янги – тўққизинчи санкциялар пакетини тайёрлаш бўйича музокараларни бошлашга тайёр, дея хабар бермоқда «Politico» расмийларга таяниб.
Маълумотларга кўра, Брюсселнинг бундай ҳаракати Варшавага «имтиёз» бўлиб, у рус нефти нархининг чегарасини Москвага қарши чекловларнинг тўққизинчи пакети билан боғлашни сўраган.
ЕИ энергетика вазирлари рус нефти нархига чегара ўрнатиш бўйича музокараларни қайта бошлаган. Блок мамлакатлари бу борада эришилган келишувларни ўтган ҳафтада эълон қилиши тахмин қилинган эди, бироқ улар ўртасида ҳали ҳам келишмовчиликлар мавжуд.
Оқ уй Ғарбнинг нефть нархини ошириш бўйича муҳокамаларини муваффақиятли деб ҳисоблашини маълум қилган.
Россияга қарши аввалги, саккизинчи санкциялар пакети ЕИ томонидан 6 октябрь куни қабул қилинган эди. Хусусан, у РФ нефтига нархларнинг юқори чегарасини жорий этиш, бир қатор товарларни олиб киришни тақиқлаш va экспорт чекловларини ўз ичига олган. Шунингдек, мудофаа сектори va саноат, технологиялар учун товарлар экспортини чеклайди.
