МАГАТЭ Украина АЭСларида иштирокини кучайтиради
Бундан қандай мақсад кўзланган?
Халқаро атом энергетикаси агентлиги (МАГАТЭ) Украинадаги барча АЭСларда иштирокини кучайтирмоқчи. Бу ҳақда ташкилот бош директори Рафаэль Гросси маълум қилди.
У Украина ташқи ишлар вазири Дмитрий Кулеба билан шу масалада музокара ўтказган. Гроссининг сўзларига кўра, МАГАТЭ иштирокини кучайтириш орқали энергетик инфратузилма ҳимоясига ҳисса қўшмоқчи.
Шу билан бирга Запорожье АЭС атрофида хавфсизлик зонасини яратиш бўйича ишлар давом этаётгани маълум қилинган. Бундан аввал Гросси бу бўйича Россия ва Украина вакиллари билан музокараларни давом эттираётганини айтганди.
Аввалроқ МАГАТЭ Москва ва Киевни Запорожье АЭС бўйича шартнома тузишга чақирганди.
