Оқ уй: Зеленский куч позициясида музокара олиб бориши керак
АҚШ Украинани музокараларга мажбурламаслигини маълум қилди.
АҚШ Украинанинг Россия билан музокараларда кучли позицияда бўлишига ёрдам беради. Бу ҳақда Оқ уй миллий хавфсизлик кенгашининг стратегик коммуникациялар бўйича координатори Жон Кирби маълум қилди.
"Бу президент Зеленский ҳал қилиши керак бўлган масала. Биз уни музокаралар столига ўтиришга мажбурламаймиз. Улар жанг майдонида муваффақият қозониши учун уларнинг қуролли кучларига ёрдам берамиз", — деган у.
Кирбининг қўшимча қилишича, Владимир Зеленский музокаралар столида мулоқотни куч позициясидан олиб боришга тайёр бўлиши керак. Амалдор АҚШ шунга эътибор қаратишини айтган.
Аввалроқ Вашингтон Украинага музокаралар масаласида босим ўтказмаётгани маълум қилинганди.
