Тошкентда йўловчи ташувчи автомашина ЙТҲга учради
Ҳолат бўйича ЙҲХБ маълумот берди.
Бугун, 30 ноябрь куни Тошкент шаҳрининг Учтепа туманида иккита автомашина иштирокида йўл-транспорт содир бўлди. Ҳолат юзасидан шаҳар ЙҲХБ расмий муносабат билдирди.
Қайд этилишича, ҳодиса соат 16:25 ларда Учтепа тумани Кичик ҳалқа автомобил йўли – Фарҳод – Мақсуд Шайхзода кўчалари кесишган чорраҳада юз берган. Унда 1991 йилда туғилган К. Т. бошқарувидаги Mercedes-Benz русумли йўловчи ташувчи транспорт воситаси ҳамда 1992 йилда туғилган И.А. бошқарувидаги Lacetti русумли транспорт воситалари ўзаро тўқнашган.
Ҳодиса оқибатида Lacetti ҳайдовчиси енгил тан жарохат олган. Ҳолат юзасидан Тошкент шаҳар ИИББ ЙҲХБ томонидан суриштирув ишлари амалга оширилмоқда.
