Эрдоғон ва Риши Сунак телефонлашди
Улар Украина масаласини муҳокама қилган.
Туркия Президенти Ражаб Тоййиб Эрдоғон Буюк Британия бош вазири Риши Сунак билан телефон орқали мулоқоти чоғида Россия ва Украина ўртасидаги музокара жараёни тезроқ тикланишидан можаронинг барча томонлари манфаатдор бўлишини айтди.
“Россия ва Украина ўртасидаги музокараларнинг тезроқ тикланиши барча томонлар манфаатларига жавоб беради”, — дейди Эрдоғон.
Туркия раҳбари ва Британия бош вазири икки томонлама муносабатлар, хусусан, савдо ва мудофаа саноатини ҳам муҳокама қилди.
Бундан ташқари, Эрдоғон суҳбат чоғида Кипр муаммосини ҳал қилиш учун “янги ва аниқ қадамлар” зарурлиги ҳақида гапирди.
Туркия ташқи ишлар вазири Мевлут Чавушўғли Россия ва Украина ўртасидаги музокараларни қайта бошлаш масаласига баҳоргача ойдинлик киритилиши мумкинлигини таклиф қилган эди.
