Муҳокамаларга сабаб бўлган “Қашқадарё Республикаси” ёзувига изоҳ берилди
Бунинг ортидан бир қатор ходимлар жазоланган.
Ижтимоий тармоқларда Қашқадарё вилояти транспорт бошқармаси инспектори хизмат кийимидаги “Қашқадарё Республикаси” ёзуви акс этган суратлар тарқалиб, кенг муҳокамаларга сабаб бўлди. Ҳолат юзасидан бошқарма расмий муносабат билдирди.
Маълум қилинишича, транспорт вазирининг 2021 йил 29 октябрдаги 208-сонли буйруғига асосан, хизмат кийими бўйича қатор тавсифлар тасдиқланган бўлиб, бошқарма инспектори Ҳ.Ж. томонидан мазкур талаблардан бири қўпол равишда бузилган.
Шуни ҳисобга олиб, инспектор Ҳ.Ж.га ҳамда ўзига юклатилган вазифасига совуққонлик билан қараган бир қатор ходимларга тегишли тартибда интизомий чоралар кўрилган.
