Россия яна чекинмоқчими?
Москва Запорожье АЭСдан қўшинларини олиб чиқиб кетиши мумкин.
Россия қўшинлари Запорожье АЭСдан чиқиб кетиши мумкин, деб хабар бермоқда “Медуза” нашри.
1 декабрь куни кечқурун Украина Қуролли кучлари Бош штаби Россия қўшинлари Запорожье вилоятининг қўшиб олинган қисмидан алоҳида бўлинмаларни олиб чиқиб кетаётгани, шунингдек, эвакуация қилишга ҳозирлик кўраётгани ҳақида хабар берди.
Мелитопол мери бугун Россия ҳарбийларининг Запорожье вилоятидан олиб чиқилиши ҳақида гапиришга “ҳали эрта” эканини таъкидлади.
Бироқ Кремлга яқин манбалар кенг кўламли уруш бошида назоратга олинган Запороже атом электр стансиясини тарк этишга тайёрлигини таъкидламоқда. Шу билан бирга, Кремл Запорожье вилоятини бутунлай тарк этишни режалаштирмаяпти.
Атом электр станциясидан қўшинларни олиб чиқиш эвазига Россия ҳукумати Украина ҳудуди орқали нефт ва газнинг узлуксиз транзити учун кафолатлар олишни кутмоқда.
