Тошкентда археологик ёдгорлик боғга айлантириб юборилди
Ҳолатга Маданий мерос агентлиги изоҳ берди.
Тошкент шаҳрида археологик ёдгорлик ўрнида ноқонуний қурилиш ишлари олиб борилгани маълум бўлди. Бу ҳақда Маданий мерос агентлиги матбуот хизмати хабар қилмоқда.
Қайд этилишича, Юнусобод туманидаги Юнусобод Оқтепа археология ёдгорлигида фуқаролар томонидан боғдорчилик билан шуғулланиш мақсадида қурилган енгил турдаги конструкцияли ноқонуний қурилмалар борлиги аниқланган. Вазирлар Маҳкамасининг Маданий меросни ҳимоя қилиш инспекцияси ва Маданий мерос агентлиги томонидан ҳудуд яқинида жойлашган ноқонуний қурилмаларнинг барчаси олиб ташланган. Қолганларини туман ободонлаштириш бўлими ёрдамида ҳудуддан олиб чиқиш ишлари амалга оширилмоқда.
Тошкент шаҳар Маданий мерос бошқармаси томонидан Юнусобод Оқтепа археологик ёдгорлик ҳудудида “Олтин мерос” хайрия фондининг Тошкент шаҳар бўлимига мурожаат қилиниб, ёдгорлик ҳудудида ўзбошимчалик билан қурилган ҳар қандай ноқонуний қурилмаларни бузиш, ахлат ва қурилиш қолдиқларидан тозалаш талаб қилинган.
