Европа Хитойни ўз томонига оғдирмоқда
"Хитой Россияга қурол етказиб бермайди" - Шарл Мишел.
Хитой Россияни қурол-яроғ билан таъминламайди ва Москвадан келаётган ядро таҳдидларини масъулияцизлик деб билади. Бу ҳақда Европа кенгаши раҳбари Шарл Мишел Пекинда ХХР раиси Си Сзинпин билан музокаралар якунлари бўйича маълум қилди.
Европа расмийсининг айтишича, у Хитой ҳукуматини Украинадаги урушни тугатиш учун Россияга таъсир ўтказишга чақирган. Томонлар ўртасидаги учрашув тахминан уч соат давом этган ва асосан Украинадаги вазият муҳокама қилинган.
“Си Сзинпин Хитой Россияга қурол етказиб бермаслигини, Россиянинг ядровий таҳдиди эса қабул қилиб бўлмайдиган ҳолат ва масъулияцизлик эканлигини аниқ айтди”, — деди Европа кенгаши раҳбари.
Хитой раиси Украинадаги урушни тинч йўл билан тўхтатиш ва “Европа ва Осиё манфаати” учун зарурлигини эълон қилди.
