Қирғизистон ва Тожикистон чегарасида яна низо чиқди
Бир киши жароҳат олиб, касалхонага етказилган.
Қирғизистон-Тожикистон чегарасида маҳаллий аҳоли ўртасида можаро келиб чиқди, Қирғизистон фуқароси ҳавога уч марта огоҳлантирувчи ўқ узди, деб хабар қилди Қирғизистон Миллий хавфсизлик давлат қўмитаси чегара хизмати.
“Давлат чегарасининг қирғиз-тожик участкасида Тожикистон ва Қирғизистон фуқаролари ўртасида можаро юз берди”, — дейилади чегара хизмати хабарида.
Маълумотларга кўра, Сомонен (Тожикистон) қишлоғи орқали Дахма қишлоғи томон кетаётганда Қирғизистон фуқароси билан Тожикистон фуқаролари ўртасида ўзаро жанжал келиб чиққан ва улар қирғизларга нисбатан ҳақоратомуз сўз ишлата бошлаган. Улар ўртасида жанжал келиб чиққан.
Можаро авж олишини олдини олиш мақсадида Қирғизистон фуқароси ов қуролидан фойдаланиб, ҳавога уч марта огоҳлантирувчи ўқ узган. Воқеа ҳолатлари ва сабабларига ойдинлик киритиш мақсадида ҳозирда ИИБда йиғилиш ўтказилмоқда.
Айни пайтда Тожикистон томони бир кишининг касалхонага ётқизилгани ҳақида хабар бермоқда.
Қайд этилишича, калтакаланган фуқаро касалхонага ётқизилган, Икки давлат чегарачилари музокаралар олиб бормоқда.
Тожикистонлик расмийлар воқеа юзасидан ҳозирча изоҳ бермаган.
