Россияда “Disney” телеканали эфири тўхтатилади
Транслациянинг охирги санаси 14 декабрь.
Россияда Американинг “Disney Channel” телеканалининг маҳаллий версияси ҳисобланган “Disney” болалар телеканали трансляциясини тўхтатади. Бу ҳақда манбаларга таяниб, “Коммерсант” нашри ёзмоқда.
“Disney” ўрнига унинг назорат қилувчи холдинги YuTV янги канал яратишга тайёрланмоқда. У “Қуёш” деб номланади ва у болаларга мўлжалланган контентни ҳам ўз ичига олади.
ОАВ маълумотларига кўра, “Disney” 14 декабрь куни ўз эфирларини тўхтатади.
Аввалроқ “Disney” фильм прокат бўлимининг Россиядаги офисини ёпаётгани ва фаолиятини тўлиқ тўхтатишга тайёрланаётгани хабар қилинганди.
Эслатиб ўтамиз, “Disney” киностудияси апрел ойидан бошлаб Россия Федерациясида ўз филмларини тарқатишни тақиқлаганди.
