Германия Ҳиндистоннинг Россия нефтига чекловларга қўшилишидан умидвор
Бугундан рус нефтига чегара нарх бўйича қарор кучга кирди.
Германия Ҳиндистоннинг Россия нефтига қўйилган чегара нархни қўллаб-қувватлашидан умид қиляпти. Бу ҳақда ГФР ташқи ишлар вазири Анналенна Бербок маълум қилди.
“Биз барча ҳамкорларимизни санкциялар жорий этишга чақирамиз, шу билан бирга кўплаб давлатларда турли иқтисодий чекловлар мавжудлигини тушунамиз”, – деган дипломат.
Бербок чегара нарх жорий этилишини учинчи давлатлар учун санкциялар таъсирини камайтириш воситаси деб атаган.
Бугундан рус нефтига жорий этилган чегара нарх кучга кирди. Бу бўйича ўтган ҳафта “катта еттилик”, Австралия ва ЕИ келишувга эришганди. Ҳозирда бир баррель “қора олтин” учун 60 доллар нарх жорий этилган.
