Талабаларнинг қишки таътили қачон бошланади?
Олий ва ўрта махсус таълим вазирлиги бу бўйича маълумот берди.
Талабалар ва профессионал таълим муассасалари ўқувчилари учун қишки таътил муддати — 2022 йилнинг 26 декабридан 2023 йил 9 январига қадар этиб белгиланди.Бу ҳақда АОКАда Олий ва ўрта махсус таълим вазирлиги ахборот хизмати томонидан ўтказилган брифингда маълум қилинди.
ОТМларнинг талабалар турар жойлари 2023 йил 5 январдан фаолиятини бошлайди.
Қайд этилишича, транспорт вазирлиги ҳамда “Ўзбекистон темир йўллари” ва “Uzbekistan airways” билан келишув асосида доимий яшаш жойларига бориб-келадиган талаба va ўқувчилар uchun қўшимча жойлар (рейслар) сонини янада кўпайтириш, олий таълим муассасалари раҳбарияти томонидан тавсия этилган жойларда сайёр кассалар ташкил этиш чоралари кўрилади.
Шунингдек, қишки таътил вақтида соғломлаштириш масканларида дам олиш, саломатлигини тиклаш истагида бўлган профессор-ўқитувчиларга тегишли шароитлар яратиш ҳамда талаба-ўқувчилар va профессор-ўқитувчиларнинг ички туризмга жалб этилишини таъминлаш чоралари ҳам кўрилади.
