НАТО сари яна бир қадам
Финляндия ҳукумати парламентга мамлакатнинг НАТОга кириши тўғрисидаги қонун лойиҳасини тақдим этди.
Ҳужжатда алянс тарихи, Шимолий Атлантика шартномаси ва Оттава шартномаси (пиёдаларга қарши миналарни тақиқлаш тўғрисида) мазмуни, шунингдек, Финляндиянинг НАТОга аъзо бўлиши бўйича олиб борилган музокараларнинг қисқача мазмуни, фаолияти , НАТОнинг вазифалари ва қарор қабул қилиш жараёни қайд этилган.
Финляндия ҳукумати “ҳозирги қонунчилик Финляндияга Шимолий Атлантика шартномаси ва Оттава шартномасига қўшилиш имконини беради ҳамда бундан келиб чиқадиган мажбуриятлар миллий қонунчиликка зудлик билан ўзгартиришлар киритишни талаб қилмайди” деган хулосага келган.
Финляндия ва Швеция 2022 йилнинг май ойида НАТОга аъзо бўлиш учун ариза берган. Аммо бу жараён Туркиянинг қаршиликларига дуч келди, Анқара Хелсинки ва Стокголмни террорчи деб тан олинган шахсларга бошпана беришда айблади. Турли даражадаги бир қатор музокаралардан сўнг икки Скандинавия давлатининг иттифоққа қўшилиши йўлидаги тўсиқларни бартараф этиш бўйича келишувларга эришилди.
Ҳозирга қадар НАТОга аъзо 30 та давлатдан 28 таси Финляндиянинг қўшилишини ратификация қилган. Венгрия ва Туркия парламентлари ҳужжатни ҳозирча маъқулламаган.
