Америка ва Россия маҳбус алмашди
Айирбошлаш Абу Даби аеропортида бўлиб ўтди.
Америкалик баскетболчи Бритни Гринер АҚШда судланган Виктор Бутни озод қилиш эвазига Россияда ҳибсдан озод этилди. Бу ҳақда “Reuters” нашри ёзмоқда.
Россия ТИВ маълум қилишича, Гринерни Боутга алмаштириш жараёни муваффақиятли якунланди. Айирбошлаш Абу Даби аеропортида бўлиб ўтди.
Виктор Бут 2008 йилда Таиландда ҳибсга олинган. Икки йилдан сўнг у АҚШга экстрадиция қилинди ва Колумбия террорчи гуруҳига қурол сотишга уринганликда айбланди.
АҚШ федерал суди уни 2012 йили 25 йилга озодликдан маҳрум қилган. Бут шу вақтгача айбини тан олмай келган. Вашингтон Москванинг уни депортация қилиш ҳақидаги илтимосини бир неча бор рад этган.
Америкалик баскетболчи, Олимпия чемпиони Бритни Гринер Екатеринбургнинг UMMC клубида ўйнаган. 2022 йилнинг феврал ойида у Москванинг Шереметево аеропортида ноқонуний юк билан ҳибсга олинганди. Суд уни гиёҳванд моддалар контрабандаси учун тўққиз йилга озодликдан маҳрум қилди, апелляция рад этилди ва Гринер колонияга жўнатилди.
“Вашингтон Россия фуқаросини айирбошлаш схемасига киритиш бўйича диалогни қатъиян рад этди. Шунга қарамай, Россия Федерацияси ҳамюртимизни қутқариш бўйича фаол иш олиб боришда давом этди”, — дейилади Россия ТИВ баёнотида.
Жо Байденнинг айтишича, у озод этилган америкалик Бритни Гринер билан гаплашган.
“Яқинда мен Бритни Грейнер билан гаплашдим. У хавфсиз, у самолётда, уйига учмоқда”, — деб ёзди АҚШ президенти Тwitter’да.
