Дунёда миллиардерлар сони кескин камайди
Уларнинг энг кўпи Осиё-Тинч океани минтақасида истиқомат қилади.
2022 йилнинг март ойи ҳолатига кўра, дунёда миллиардерларининг умумий сони ўтган йилнинг шу даврига нисбатан 87 кишига камайди.
Долларли миллиардерларнинг умумий бойлиги бир йилда 13,1 триллион доллардан 12,7 триллион долларга тушди.
Таҳлилчиларининг қайд этишича, миллиардерлар сони ва уларнинг умумий бойлиги турли активлар нархининг тушиши туфайли яна ҳам қисқариши мумкин.
Энг кўп миллиардерлар Осиё-Тинч океани минтақасида яшайди -
1084 киши, уларнинг умумий бойлиги 4,2 триллион доллар. АҚШда 735 киши умумий бойлик 4,7 триллион доллар. Ғарбий Европада миллиардерларнинг 474 нафари истиқомат қилади, уларнинг бойлиги 1 миллиард доллардан ошади.
Миллиардерларнинг энг катта қисми (392) молия ва инвестициялар билан шуғулланади, яна 348 киши ИТ, 338 нафари эса ишлаб чиқариш соҳасида.
Сўровлар шуни кўрсатдики, миллиардерларнинг 95 фоизи глобал экологик ва ижтимоий муаммоларни ҳал қилиш учун масъулиятни ўз зиммаларига оладилар. Улар қишлоқ хўжалиги технологияларини ривожлантириш, одамларни тоза сув билан таъминлаш ва санитария, таълимни яхшилаш, шунингдек, қашшоқликни камайтириш мумкин бўлган умумий иқтисодий вазифаларни бажарадилар.
