ОАВ: Путиннинг тўнғич қизи янги лавозимга тайинланди
Аммо бу маълумот ошкор қилинмагани айтилмоқда.
Алексей Навалний жамоасининг тергов бўлими бошлиғи Мария Певчих РФ Президентининг тўнғич қизи Мария Воронцова Москва давлат университетининг фундаментал тиббиёт факультети декан ўринбосарларидан бири этиб тайинланганини аниқлади.
Певчих Фундаментал тиббиёт факультети Илмий кенгаши аъзолари бўлган расмни эълон қилди. Унда Воронцова Мария Владимировна ҳам бор.
"Тиббиёт фанлари номзоди, доцент, ички касалликлар кафедраси доценти, илмий ишлар бўйича декан ўринбосари", — дейилади Воронцова фотосурати ёнида.
Факультет веб-сайтида бундай маълумотлар йўқ. Воронцованинг фамилияси на илмий кенгаш аъзолари, на деканат ходимлари рўйхатида ҳам кўрсатилмаган.
Мария Воронцова — педиатрия эндокринологи. 2011 йилда у Москва давлат университетининг юқорида қайд этилган фундаментал тиббиёт факультетини тамомлаган.
