Аввал Путин, кейин эса Зеленский
Эрдоған украиналик ҳамкасби билан ҳам телефонлашди.
Украина Президенти Владимир Зеленский 11 декабрь куни Туркия Президенти Ражаб Тоййиб Эрдоған билан телефон орқали мулоқот қилганини маълум қилди.
“Биз келгусидаги ишлар ва дон йўлагини кенгайтириш имкониятларини муҳокама қилдик”,— деди давлат раҳбари.
Зеленский украиналик болаларга бошпана бергани, шунингдек, ҳадя қилинган юзлаб генераторлар учун Эрдоғанга миннатдорчилик билдирган.
Бундан ташқари, Президент Туркия Украинанинг #GrainFromUkraine ташаббусини қўллаб-қувватлаётганини таъкидлади.
Бундан олдин Эрдоған Кремль раҳбари Владимир Путин билан телефон орқали суҳбатлашганди.
18 ноябрда ҳам Туркия президенти аввалига Путин билан телефон орқали мулоқот қилган, кейин у Зеленскийга қўнғироқ қилган.
