Самарқанддаги подстанция ёниб кетди
Айрим ҳудудларда электр таъминотида узилиш кузатилмоқда.
Бугун, 11 декабрь куни Самарқанд вилоятининг Тойлоқ туманидаги электр подстанциясида ёнғин чиқди. Ҳолат бўйича вилоят ИИБ маълумот берди.
Қайд этилишича, соат 20:18да Тойлоқ туманидаги «Боғизағон» подстанциясидаги трансформаторда ёнғин юзага келган. Натижада туманнинг айрим ҳудудларида электр таъминотида узилиш кузатилмоқда.
Ҳозирда мутахассислар томонидан ушбу носозликни бартараф этиш ишлари олиб борилмоқда. Ҳодиса жойига вилоят секторлари ҳамда ҳуқуқни муҳофаза қилиш органлари раҳбарлари чиқиб, ҳолатни назоратга олишган.
Таъмирлаш ишлари якунлангандан сўнг электр таъминоти қайта тикланади. Ҳолат юзасидан терговга қадар текширув ҳаракатлари олиб борилмоқдa.
