Саудия нефть вазири: Россия нефтига чегара нарх натижа бермади
5 декабрь куни ЕИ рус "қора олтини"га чегара нарх белгилаганди.
Саудия Арабистони энергетика вазири Абдулазиз бин Салмон Россия нефтига қўйилган чегара нархнинг самараси йўқлигини маълум қилди.
"Санкциялар ва нархлар чегарасига келсак, улар ҳали сезиларли натижа бермади. Бу чораларнинг айримлари фақатгина 5 декабрда жорий этилди. Ҳозирда ноаниқликни кўряпмиз", — деган вазир Ар-Риёддаги чиқишида.
Шу билан бирга у Россия томонидан нефть қазиб олиниши қисқартирилишига буни кўргач, ишонишини айтган. Абдулазиз бин Салмон РФнинг жавоб чоралари ҳам энергетика бозоридаги ноаниқликларга сабаб бўлаётганини қайд этган.
5 декабрь куни ЕИ ва "катта еттилик" Россия нефтининг чегара нархини 60 доллар этиб белгилаганди.
