Покистон дипломатлари маошсиз қолди
Бир неча ойдан буён Республикада валюта етишмовчилиги билан боғлиқ муаммо кузатилмоқда.
Покистоннинг айрим хорижий давлатлардаги дипломатлари бир неча ойдан буён маош олмаяпти. Бу ҳақда Business Recorder хабар берди.
Унинг маълумотларига кўра, Франция, Германия, АҚШ, Ўмон, Эрон, Туркия ва Афғонистондаги дипломатик хизматчиларга 3-4 ойдан бери ҳақ тўланмаяпти. Бунга республикада валюта етишмовчилиги сабаб бўлмоқда. Дипломатлар Покистон ТИВни харажатларни қоплаш бўйича қийинчиликлар юзага келганидан огоҳлантирган.
2022 йил октябридан буён Покистон Марказий банкининг валюта резервлари камаймоқда. 31 октябрь ҳолатига кўра, унинг миқдори 8.75 миллиард долларни ташкил этган бўлса, 2 декабрда бу 6.71 миллиард долларга тушиб қолди.
