Рим Папаси: Украинада жаҳон уруши кетмоқда
Франциск можаронинг якунланиши муддати бўйича фикрларини билдирди.
Рим Папаси Франциск Украинадаги қуролли можарони “жаҳон уруши” деб атади. Унинг фикрича, низо яқин орада якунланмайди.
“Ҳозир Владимир Зеленский менинг олдимга учинчи марта диний маслаҳатчиларидан бирини жўнатмоқда. Мен алоқадаман, уни қабул қиламан, ёрдам беряпман”, – деган у испан газеталаридан бирига берган интервьюсида.
Францискнинг фикрича, можаро ўрта истиқболда якунланмайди. Рим Папаси урушга “бир неча қўл” аралашганини ва манфаатлар кўплигини таъкидлаган.
