Шаҳзода Гарри ва Меган қариндошлари билан учрашишга тайёр
Улар қироллик оиласидан кечирим сўрашларини кутишмоқда.
Шаҳзода Гарри ва унинг рафиқаси Меган Маркл қироллик оиласи билан учрашиб, уларнинг ўзларидан кечирим сўрашини истамоқда. Бу ҳақда “The Times” нашри ёзмоқда.
Газетанинг қайд этишича, эр-хотин қироллик оиласи уларга етказган “оғриқ ва зарар учун жавобгарликни ўз зиммасига олишини” истайди.
2021 йил март ойида қиролича Елизавета II Гарри ва унинг рафиқаси билан жанжаллашди. Кейин Меган ва Гарри америкалик телебошловчи Опра Уинфрига интервью беришди: унда Меган эрининг қариндошлари томонидан босимга дуч келганини ва ўз жонига қасд қилиш ҳақида ўйлаганини айтди. Меганнинг сўзларига кўра, қироллик оиласининг баъзи аъзолари унинг биринчи ўғлининг “териси қанчалик қора бўлишидан” хавотирда бўлган. Букингем саройи бу интервьюни қироллик оиласига қарши “уруш эълони” сифатида қабул қилган.
2021 йил август ойида шаҳзода Гаррининг хотираларини ёдга олиб берган яна бир интервьюси туфайли можаро яна авж олди. Елизавета набираси ва унинг рафиқасининг танқидлари туфайли ғазабланган.
