Косонда Spark ЙТҲга учраб, икки киши вафот этди
Ҳолат бўйича вилоят ИИБ маълумот берди.
Бугун, 19 декабрь куни Қашқадарё вилоятининг Косон туманида одам ўлими билан боғлиқ йўл-транспорт ҳодисаси собир бўлди. Ҳолат бўйича вилоят ИИБ маълумот берди.
Қайд этилишича, автоҳалокат соат 07:15 ларда халқаро аҳамиятдаги А-380 Ғузор–Бухоро–Нукус–Бейнеу автомобиль йўлининг 73-километрида, Косон туман “Пудина” ҚФЙ ҳудудида юз берган. Миришкор тумани “Зафаробод” МФЙда яшаган ҳайдовчи Б.Н. Spark русумли автомашинани Қарши–Косон йўналишида бошқариб бориб, бир йўналишда олдинда ҳаракатланиб кетаётган, Косон тумани Мудин қишлоғида яшовчи М.Д. бошқарувидаги GAZ-53 русумли автомобиль билан тўқнашган.
ЙТҲ оқибатида Spark ҳайдовчиси Б.Н. олган оғир тан жарoҳати сабаб воқеа жойида вафот этган. Ушбу автомашина йўловчиси Н.С. эса олган тан жароҳатлари билан шифохонада вафот этган.
Ҳолат юзасидан Жиноят кодексининг 266-моддаси 3-қисми “а” банди билан жиноят иши қўзғатилиб, дастлабки тергов ҳаракатлари олиб борилмоқда.
