Бу можаронинг кучайишига олиб келади- Песков
Кремль Зеленскийнинг АҚШга ташрифига муносабат билдирди.
Кремль Украина президенти Владимир Зеленскийнинг Вашингтонга ташрифидан ижобий ўзгаришлар кутмаяпти. Бу ҳақда Владимир Путиннинг матбуот котиби Дмитрий Песков маълум қилди, деб ёзади «Ведомости».
"Қурол етказиб бериш давом этмоқда, унинг кўлами кенгаймоқда. Буларнинг барчаси, албатта, можаронинг кучайишига олиб келади ва Украина учун яхшилик ваъда қилмайди", - деди у.
Эслатиб ўтамиз, Украина президенти девони Владимир Зеленскийнинг АҚШга расмий ташрифини тасдиқлаган. Томонлар ҳарбий ёрдам масаласини муҳокама қилади. Зеленский АҚШ Конгрессида чиқиш қилиши кутилмоқда. Шундан кейин Байден билан икки томонлама музокаралар ўтказилади.
