Дональд Трампнинг солиқ декларациялари чоп этилади
Собиқ президент пулларни қаерга сарфлагани очиқланади
АҚШ Конгресси вакиллар палатасининг киримлар ва чиқимлар қўмитаси собиқ президент Дональд Трампнинг солиқ декларациялари чоп этилишини маъқуллади. Гап 6 йиллик даврга тегишли декларациялар ҳақида кетмоқда.
Унинг доирасида Трампга алоқадор 8 та компания маълумотлари ҳам очиқланиши кутилмоқда.
Дональд Трампнинг 2015-2020 йиллардаги декларациялари унинг “улкан операцион харажатларни қайд этиб, кейинчалик улардан солиқ мажбуриятларидан қочиш учун узоқ йилларга ўтказиш” одатини кўрсатди.
Солиқ бўйича қўмита Трампнинг декларацияларида 2015 йил учун 105 млн, 2016 йилда 73 млн, 2017 йилда 45 млн, 2018 йилда 23 млн доллар зарарни аниқлаган. Шунингдек, собиқ президент декларациясига хайрия ишлари учун солиқ имтиёзларини қўшган, қўмита бу пуллар нимага сарфланганини билмоқчи. Трамп 2016-2017 йилларда 3,1 млн долларни хайрияга сарфлаганини билдирган.
