Қирғизистонда аниқ фанларни инглиз тилида ўқитиш таклиф қилинди
Парламент депутати таълим тизимида тил ислоҳоти ўтказиш зарурати ҳақида гапирди.
Қирғизистон парламентида инглиз тилини таълим тизимига киритиш таклиф қилинди. Ушбу ташаббус депутат Миргуль Темирбаева томонидан илгари сурилган.
Унинг фикрича, қирғиз тили ва тарихини она тилида, жаҳон тарихи, рус тили ва адабиётини рус тилида кимё, биология, информатика ва бошқа фанларни инглиз тилида ўқитиш керак.
“Инглиз тили фан ва техника тили. Уни таълим тизимининг барча босқичларида ишлатиш керак. ОТМларда пилот тизимида жорий этиш лозим. Албатта, ислоҳот учун пул керак, аммо Фикримча, бу ишни бошласак, халқаро ташкилотлар ёрдам беради”, – деган депутат.
Темирбаева инглиз тили қирғиз ёшлари учун халқаро майдонга йўл очишига ишонч билдирган.
Қирғизистон Конституциясида қирғиз тили давлат тили сифатида мустаҳкамланган. Рус тили расмий мақомга эга. Давлатнинг асосий қонунида инглиз тили мақоми белгиланмаган.
