Столтенберг янги лавозимни эгаллаши мумкин
Кейинги йил сентябрида у НАТО бош котиби лавозимини тарк этади.
НАТО бош котиби Йенс Столтенберг Халқаро валюта жамғармаси раҳбари лавозимини эгаллаши мумкин. Бу ҳақда Норвегиянинг ТV2 телеканали хабар берди.
Унинг маълумотларига кўра, Столтенбергнинг НАТО бош котиблигидаги ваколат муддати якунлангач, янги лавозимга ўтказилади. Март ойида альянс етакчилари унинг ваколатини 2023 йил 30 сентябрга қадар узайтирганди.
Йенс Столтенберг Норвегия собиқ бош вазири ҳисобланиб, 2014 йилдан бери НАТОни бошқариб келади. Жорий йилнинг февралида у ҳозирги лавозимини тарк этгач, Норвегия миллий банкини бошқариши тўғрисида хабарлар тарқалганди.
2019 йилнинг 1 октябридан Кристалина Георгиева Халқаро валюта жамғармаси директори бўлиб келмоқда. Унинг ваколатлари 2024 йилда тугалланади.
