АҚШ Тайвань мустақиллигини қўлламасликка ваъда берди
Энтони Блинкен хитойлик ҳамкасби Ван И билан телефон мулоқотида бу бўйича Вашингтон позициясини маълум қилди.
АҚШ ҳамон “ягона Хитой” тамойилига содиқ ва Тайвань мустақиллигини қўллаб-қувватламайди. Бу ҳақда Давлат котиби Энтони Блинкен ХХР ташқи ишлар вазири Ван И билан телефон мулоқоти пайтида маълум қилди.
“Америка томони АҚШ ва ХХР ўртасидаги икки томонлама муносабатларнинг асосий тамойилларини муҳокама қилишга, Америка-Хитой муносабатларини масъулиятли бошқариш ва икки томонлар манфаатига хизмат қиладиган соҳаларда ҳамкорлик қилишга тайёр”, – деган Блинкен.
Дипломат Тайвань мустақиллиги Вашингтон томонидан қўллаб-қувватланмаслигига ваъда берган.
Тайвань 1949 йилдан буён ўз администрацияси томонидан бошқарилади. Расмий Пекин ва жаҳон ҳамжамияти оролни ХХР таркибидаги ҳудуд деб ҳисоблайди.
